يمكن لِ غسان مطر

http://www.youtube.com/watch?v=qLMCp0DFQLo&feature=youtube_gdata_player




((وعَّيتني من النوم))!

صَوتِك من بحور الغفا جايي

وبَحِّةْ غنج فيها عَتَب،

يمكن الْغَفَّاكي التعب

يمكن هربتي خلف شِ حْكَايي

قومي وقفي قدام المرايي

وشوفي بصوتك شو مخبايي:

سامع حزن بِيفَيّةِ الضحكي

وسامع حكي مخنوق

ما بيحكي...


يمكن تْنَيْنِتنَا كَسرنا الكاس

عا قَدّ ما حِكيو علينا الناس،

يمكن يكون العمر تَعّبْنا

من هيك تَ هْرَبنا


ويمكن... ما بعرف،

ما عرفنا نطير

مثل العصافير

ونجن، وتجن الدني كِلا،


ويمكن ... الف يمكن

بس اللــِّ مش ممكن

نهرب من اللي كاتبو الله.


نحنا تْنَينْ لْبَعضنا خْلقنا

ومْع بَعضنا حلوين

عَم نكذب عْلَى مينْ

ونْقول مات الحبّ ْ

والليل فرقنا؟



وعَّيْتِك من النوم؟

بِقَْلبي إذا غْفيتي بْغطّيكي

وكلما اشْتَقتْ إسمَعْ طَرَبْ

وْبَحِّة غنج فيها عتب

بِيْدِقّ ْ قلبي ... تا يْوَعِّيكي.

قصيدة: (يمكن) للشاعر غسان مطر


- Posted using BlogPress from my iPad